ზემოხსენებულ ცენტრს ხელმძღვანელობს სამედიცინო ონკოლოგი და სხივური თერაპევტი ზაზა უჯმაჯურიძე, რომელმაც დანიის წამყვან საუნივერსიტეტო კლინიკებში (კოპენჰაგენისა და ზელანდის საუნივერსიტეტო ჰოსპიტლები) წარმატებული სამედიცინო კარიერის შემდეგ დატოვა დანია და დაბრუნდა სამშობლოში, რათა აქ გააგრძელოს სამედიცინო მოღვაწეობა. მას არასოდეს შორდებოდა საქართველოში დაბრუნებისა და საკუთარი ცოდნა-გამოცდილების ჩამოტანის სურვილი, რის განხორციელებასაც ჩვენ ცენტრში აპირებს.
მისი ხელმძღვანელობით საქართველოში იხსნება ცენტრი, სადაც, მისი სახით, ადგილზე იქნება ხანგრძლივი ევროპული გამოცდილების სპეციალისტი. კლინიკაში იგეგმება მთელი რიგი მყარ ქსოვილთა სიმსივნეების სამედიცინო მკურნალობა, ასევე მათი სხივური თერაპია (ეს უკანასკნელი ჩატარდება ქვეყანაში არსებულ სხვა ცენტრებში, რომლებიც ჩვენ კლინიკასთან და, კერძოდ, ზაზა უჯმაჯურიძესთან მჭიდრო პროფესიონალურ კონტაქტში არიან).
კლინიკაში დასაქმებულია ძალიან გამოცდილი და ყურადღებიან ექთნები და მათი დამხმარეები (მაია ბეგლარაშვილის ხელმძღვანელობით).
კლინიკის მიზანია, შეიქმნას საუკეთესო პირობები სამედიცინო პერსონალის მაქსიმალურად არასტრესულ გარემოში ნაყოფიერი მუშაობისა და, რაც უმთავრესია, პაციენტებს დაეთმოთ სათანადო დრო, მოვუსმინოთ მათ მოთხოვნებს, გულისყურით მოვეკიდოთ მათ მდგომარეობას, ყველა პაციენტს, გარდა იმისა, რომ უკლებლივ ყველა მათგანის წამყვანი ექიმი ზაზა უჯმაჯურიძე იქნება, ჰყავდეს საკონტაქტო ექიმი, პაციენტებს დღე-ღამის განმავლობაში ჰქონდეთ მორიგე ექიმთან დაკავშირების იოლი საშუალება, რათა სწორად წარვმართოთ სამედიცინო მკურნალობასთან დაკავშირებული მოსალოდნელი გართულებები, ჰქონდეთ იოლი წვდომა სამდივნოსთან, შეიქმნას პაციენტთა კოორდინატორის სრულიად ახალი ფუნქცია, რომლის დანიშნულებაც იქნება სისტემაში მოვიყვანოთ ყველა დანიშნულება, კვლევა, დაფინანსების საკითხები და სხვა პრაქტიკული ასპექტები მკურნალობისა, რათა პაციენტს უმოკლეს დროში ეფექტურად ვუმკურნალოთ და მოვუხსნათ ბარიერები მკურნალობის დროს.
ამისათვის დაგეგმილია ბევრი ინოვაცია, მათ შორის, ვიდეო კონსულტაციებიც, სახლში ლაბორატორიული ანალიზების აღება, რაც საგრძნობლად გააადვილებს ბევრ ლოგისტიკურ სირთულეს. იგეგმება ეფექტური დაჯავშნის სისტემა, რაც თავიდან აგვაცილებს ბევრ შეცდომას.
