Tbilisi Stroke Meeting 2025 - ინსულტის პრევენციის, დიაგნოსტიკისა და მკურნალობის საერთაშორისო სამეცნიერო ფორუმი

Tbilisi Stroke Meeting 2025 - ინსულტის პრევენციის, დიაგნოსტიკისა და მკურნალობის საერთაშორისო სამეცნიერო ფორუმი
📅 10-11 ოქტომბერი, 2025
📍 Hilton Garden Inn Chavchavadze, თბილისი
საქართველო, ინსულტის მსოფლიო ორგანიზაციის (World Stroke Organization, WSO) მხარდაჭერით, ერთ-ერთ ყველაზე მასშტაბურ სამეცნიერო ფორუმს - Tbilisi Stroke Meeting 2025 მასპინძლობს.
ღონისძიება აერთიანებს მსოფლიოს წამყვან ნევროლოგებს, მკვლევარებსა და კლინიცისტებს - ინსულტის პრევენციის, დიაგნოსტიკისა და მკურნალობის უახლესი მიღწევების განსახილველად.
🎓 კონფერენციის მიზანია:
ინოვაციური მეთოდების დანერგვა ინსულტის მართვაში,
საერთაშორისო თანამშრომლობის გაღრმავება,
და რეგიონში ინსულტის პრევენციის ხარისხის გაუმჯობესება.
Tbilisi Stroke Meeting 2025-ზე წარმოდგენილი იქნებიან სპეციალისტები აშშ-დან, კანადიდან, გერმანიიდან, შვედეთიდან, საფრანგეთიდან, ფინეთიდან, ისრაელიდან, თურქეთიდან, ხორვატიიდან, ინდოეთიდან და სხვა ქვეყნებიდან.
მთავარი თემები
🔹 ინსულტის გლობალური ტვირთის შემცირების სტრატეგიები
🔹 თრომბოლიზისა და თრომბექტომიის წარმოების ოპტიმიზაცია
🔹 ნეიროიმიჯინგის როლი ინსულტის მართვაში
🔹 ცერებრული ვენური თრომბოზის მკურნალობის ახალი მიდგომები
🔹 პოსტინსულტური კოგნიტიური დარღვევები და უჯრედული თერაპია
🔹 ტელემედიცინა ინსულტის მართვაში
კონფერენცია ორგანიზებულია თსუ-სა და საქართველოს ინსულტის ასოციაციის მიერ, ინსულტის მსოფლიო და ევროპული ორგანიზაციების, პინეო სამედიცინო ეკოსისტემის, ევროპული სა-ის და გრიგოლ რობაქიძის უნივერსიტეტის მხარდაჭერით.
📚 ღონისძიება აკრედიტებულია საქართველოს ჯანდაცვის სამინისტროს პროფესიული განვითარების საბჭოს მიერ - მონაწილეებს მიენიჭებათ 12 CME ქულა.
დამატებითი ინფორმაციისთვის ესტუმრეთ ბმულს: https://shorturl.at/86sV4

