პინეოს აკადემიის ფარგლებში, 5 ივნისს ჩატარდა ტრენინგი თემაზე „ცვლილებების მართვა“, რომელსაც უძღვებოდა ტრენერი ვასილ კიკუტაძე. ტრენინგი მიზნად ისახავდა თანამშრომლების მხარდაჭერას ორგანიზაციულ გარემოში მიმდინარე ან დაგეგმილი ცვლილებების ეფექტურად აღქმასა და მართვაში.
სესიების განმავლობაში განხილული იყო:
- ცვლილებების ფსიქოლოგია და მისი გავლენა სამუშაო პროცესზე;
- თანამშრომლების რეაქცია სიახლეებზე და მათთან ურთიერთობის სტრატეგიები;
- წინააღმდეგობების იდენტიფიკაცია და მათთან გამკლავების მეთოდები;
- გარდამავალი პროცესების სტრუქტურირება და მართვა;
- ლიდერის როლი ცვლილებების პროცესში და გუნდის მოტივაციის შენარჩუნება.
ტრენინგში მონაწილეობა მიიღო კლინიკის 40 თანამშრომელმა, რომლებიც სხვადასხვა დეპარტამენტს წარმოადგენდნენ. მონაწილეებმა მიიღეს პრაქტიკული რჩევები და იძიეს პერსონალური რესურსები იმისთვის, რომ მომავალი ცვლილებების წინაშე მდგარიყვნენ უფრო თავდაჯერებულად, მოქნილად და პროდუქტიულად.
პინეო აგრძელებს პროფესიული განვითარების შესაძლებლობების შემოთავაზებას თავისი გუნდისთვის – გარემოს, სადაც ცვლილება წინსვლისა და განვითარების საწინდარია.
